Psa 93 | TVK | STEP | Iahova be suv toto. Xi minggur xeihen xa pipin ni hisen xa be nesao. Xi duxol xat kuh ut etan, e neta tovuol xa vakila vaxeleal ni.

Psalms 93

Iahova be Suv Toto

1 Iahova be suv toto.
Xi minggur xeihen xa pipin ni hisen xa be nesao.
Xi duxol xat kuh ut etan,
e neta tovuol xa vakila vaxeleal ni.
2 Iahova, holesok xil vus teti pe hem nousav;
e te tiamu tamu xa otepeas ni ut etan, xouk oteta ngamu.

3 Iahova, tave ti neta xa tas di mea e di bang,
di bang e di mirum;
4 ve xouk, xeihen nam di mili xeihen te tas.
Oli tehe xil xa di mavul e ut.
E oli holesok xil del xeihen nam e ut nesao.

5 Rae nam xil liti ti navus.
Iahova, Nim Eo nam ihe ut eo vehakut.